هه‌واڵی به‌په‌له..؟!
له‌بڕیاڕیکی چاوه‌ڕوان نه‌کراودائه‌مڕۆکابینه‌ی پێنجه‌می حکومه‌تی هه‌رێمی کوردستان ده‌ستی له‌کارکێشایه‌وه
هه‌واڵی به‌په‌له..؟!
له‌بڕیاڕیکی چاوه‌ڕوان نه‌کراوداسه‌رۆکی حوکومه‌تووه‌زاره‌ته‌که‌ی ئه‌مرۆده‌ستیان له‌کارکێشایه‌وه.
سه‌رله‌به‌یانی ئه‌مڕۆله‌هه‌نگاوێکی بێوێنه‌وچاوه‌ڕواننه‌کراوداسه‌رۆکی حکومه‌تی هه‌رێموزۆرینه‌ی وه‌زیره‌کانی کابینه‌که‌ی به‌نوسراوێکی فه‌رمی نامه‌ی ده‌ست له‌کارکێشانه‌وه‌ی خۆیان پێشکه‌ش به‌سه‌رۆکی هه‌ریموپه‌رله‌مانی کوردستان کرد،شایه‌نی ئاماژه‌پێکردنه له‌ونامه‌یه‌دا که ئیمزای سه‌رۆک وه‌زیروزۆرینه‌ی وه‌زیره‌کانی له‌سه‌ره‌‌ودانه‌یه‌کی دراوه‌به‌ئاژانسه‌کانی هه‌واڵی کوردستان،هاتوه‌ئێمه‌ی حکومه‌تی هه‌رێمی کوردستان له‌ئه‌نجامی ده‌ستبه‌کاربوونمان به‌ماوه‌یه‌کی که‌م شه‌پۆلێکی ناره‌زایی زۆری جه‌ماوه‌ری کوردستان به‌ڕواداته‌قیه وه‌و ده‌ریشکه‌وتوه‌که‌نه‌مان توانیوه،به‌شێوه‌یه‌کی باشووکاریگه‌روله‌به‌رچاوببینه‌‌حوکومه‌تی(خزمه‌تگوازاری)وله‌به‌ربڵاوبونه‌وه‌ی دیارده‌ی گه‌نده‌ڵی له‌ناوداموده‌زگاکانی ده‌وڵه‌توچاره‌سه‌رنه‌کردنی کێشه‌ی بێکاره‌بای،ونه‌بوونی سوته‌مه‌نیو،بازاڕگرانی،مشه‌خۆری..هتد..له‌ئاست هه‌مووئه‌مانه‌دا خۆبه‌که‌مته‌رخه‌مو ده‌سته‌وه‌ستاوئه‌بینین بڕیارمانداوه‌ک هه‌ستکردنێک به‌لێپرسینه‌وه‌وئه‌رکێکی نیشتیمانی پیرۆزده‌ست له‌کارکێشانه‌وه‌ی خۆمان ڕابگه‌ێنینو داواش ده‌که‌ین له‌نزیک ترین کاتدا‌ته‌سدیق بکرێتو میلله‌ت حکومه‌تێکی ترهه‌ڵبژێرێت.
(مانشێتی هه‌واڵه‌کانی کوردستان)
پۆزش…..
خوێنه‌ری به‌ڕێزبه‌داوای لێبوردنێکی زۆره‌وه‌پێتی ڕاده‌گه‌ێنین ئه‌م مانشێته هه‌واڵه‌دوره‌له‌راستیوهیچ ئه‌سڵێکی نییه،هه‌تائه‌م ساته وه‌خته‌ش جگه له‌فه‌نتاسیاوخه‌ونێکی نه‌زۆکی قه‌تیسکراوهیچی ترهه‌ڵناگرێت.زیاتریش له‌وخه‌ونانه‌ئه‌چێت که‌ڕۆژانه‌تاکی کورد به‌هۆی نه‌خوڵقانیه‌وه‌هێنده‌ی تربه‌ناخی ئه‌رزداده‌چێتو ڕۆژله‌دوای ڕۆژئۆقره بڕاوتروسات له‌دوای سات بێحه‌وسه‌ڵه‌تر وماتومه‌لول تردێته‌به‌رچاو..وه‌لێ خه‌ونێکه‌ده‌مه‌وێت له‌م سه‌کۆیه‌وه‌بیهێنمه‌دی هیچ نه‌بێت بۆجارێکیش بێت خۆم هاوڕاکانم هه‌ڵبخڵه‌تێنم. واخۆمان ڕابێنین که‌ئه‌مڕۆبه‌ره‌به‌یان،به‌ده‌ر له‌پێشه‌کانی سپیده زوو له‌گه‌ڵ خۆرهه‌ڵهاتندا له‌گه‌ڵ هه‌ڵدانه‌وی یه‌که‌م په‌ڕی ڕۆژنامه‌کان له‌گه‌ڵ کردنه‌وه‌ی یه‌که‌م ماڵپه‌ری هه‌واڵ ووتاره‌سواوه‌کان..وگه‌ڕان به‌دوای هه‌واڵی،کۆنوبه‌سه‌رچوی که‌ناڵه ئاسمانی یه‌کانوگوێگرتن له‌ڕادیۆومانشێتوهه‌واڵی گه‌رمی ڕۆژنامه‌به‌ناو‌‌سه‌ربه‌خۆوهه‌موو(حیزبنامه)وماڵپه‌ره‌ئازاده‌‌کان له‌گه‌ڵ هه‌واڵه به‌خه‌به‌ربێنه‌وه،گه‌ره‌کمه بۆته‌نهاجارێکیش چییه؟خۆموزۆرێکی تر به‌درۆبخه‌مه‌وه که‌ئێمه‌ش میله‌تێکین ده‌سه‌ڵاته‌که‌مان هه‌ست به‌لێپرسینه‌وه‌ی مێژووی خۆی ده‌کاتوله‌به‌رئه‌وه‌ی نه‌یتوانیوه‌به‌شێوه‌یه‌کی گونجاوکاره‌کانی به‌جێ بهێنێت وه‌ک ئه‌رکوهه‌ڵوێست وزه‌روریه‌تێکی نیشتیمانی ده‌ست له‌کارکێشانه‌وه‌ی خۆی ڕاده‌گێنێت. …جائازیزه‌که‌م خوێنه‌ری ئه‌م درۆهه‌واڵه..ده‌سه‌لاتی کوردی هه‌تاپێش ڕزگارکردنی ته‌واوی ئێراقوکه‌وتنی سه‌ددام وڕاپێچکردنی بۆدادگاوپاشان له‌سێداره‌دانی تاوانباران حینجه‌تو بیانویه‌کی فره‌مه‌زنی له‌ده‌ستدابووکه‌ئه‌م خه‌ونه‌م بۆنه‌هێنێته‌دی..حینجه‌توباینوی ئه‌وه‌ی که‌باره‌که‌شڵۆقه‌وناکریت له‌وه‌زیاتر بارگرانی بکه‌ینو بیشڵۆقینین ونائارامی بخه‌یه‌نه‌دڵی جه‌ماوه‌ره‌وه…وه‌لێ له‌پاش که‌وتنی شوارای به‌رزه‌ی سته‌مکای وخۆیان وه‌ته‌نی هاتنه‌کایه‌ی دۆخێکی تری نه‌وعی له‌گۆره‌پانی سیاسه‌توفه‌رمانره‌وای ئێراق به‌گشتیو کوردستان به‌تایبه‌ت ده‌بوایه ..ده‌سه‌ڵات که‌مه‌هامی سه‌ره‌کی به‌رهه‌م هێنانی هه‌قیقه‌ته‌کاری بۆهێنانه‌دیوبه‌رجه‌سته‌کردنونه خشاندنی ئه‌م مانشێته هه‌واڵه وزۆرێکی تریش له‌م هه‌واڵانه،له‌سه‌رلاپه‌ره‌ی حیزبنامه‌کان بدایه..به‌ڵام له‌به‌رئه‌وه‌ی ئه‌وه‌نه‌کراوه …له‌به‌رئه‌وه‌ی ده‌سه‌ڵاتی کوردی هه‌وڵی به‌رهه‌م هێنانی جۆرێکی ترله‌هه‌قیقه‌ت ده‌دات.له‌به‌رئه‌وه‌ی بێئاگایان به‌ئاگاهه‌وڵی داوه‌له‌جه‌ماوه‌ردابڕێت،له‌به‌رئه‌وه‌ی ڕۆژنامه‌گه‌ری کوردی به‌رهه‌می عه‌قڵی تاکی کوردی نییه‌و..!بگره‌به‌رهه‌می ده‌سه‌ڵاته‌که‌یه‌تی. ناچارده‌بێت له‌م باسه‌مداخامه‌ی مێژوو بگه‌ڕێنمه‌وه بۆپه‌نجاساڵ له‌مه‌وبه‌ر بۆئه‌وزه‌مه‌نه‌ی که‌به‌شێوه‌یه‌کی به‌رچاوله‌گه‌ڵ ئه‌م بۆچون وخه‌ونه له‌زه‌مه‌نی کۆتای هێنان به‌مێژوی سته‌مکاران یه‌کده‌گرێته‌وه‌بۆئه‌ومێژووه‌ی که‌هێزه هاوپه‌یمانه‌کان.له‌جه‌نگێکی تروفۆرمێکی ترداچونه‌ناو (به‌رلین)وده‌ستیان به‌سه‌رته‌ماعکاری وزێده ڕه‌وی گرتوکۆتایان به‌هگبه‌یه‌کی تاڵوناخۆشی جیهان هێنا.له‌وزه‌مه‌ندا….که‌مێک له‌لای (ئه‌کسل سپرینگیر springerی سوپه‌رستاروخاوه‌ن زه‌به‌لاحترین ده‌زگای په‌خشومیدیای ئه‌ڵمانی لابده‌موکاره‌کانیشی، له‌وبواره‌دا بێنمه‌وه به‌رچاووگوێ.سپرینگیر به‌پاڵپشتی هێزه هاوپه‌یمانه‌کان وله‌ناو هه‌موو شیاندا به‌تایبه‌ت وده‌رکه‌وتوتربه‌ریتانییه‌کان له‌ساڵی 1946داهاته‌بوون….له‌سفری ئه‌زمو‌نێکی تاڵه وه‌ده‌ستی پێکردله‌سه‌رعه‌رشی که‌لاوه‌یه‌کی ڕوخاوله‌چه‌مکی دیموکراتیزه کردن وهه‌وڵی کۆتای هێنان به‌هه‌گبه‌یه‌کی خوێانوی یه‌وه‌شوڵی لێ هه‌ڵكێشا تادواتر به‌هه‌وڵ وماندوبوون وباوه‌ڕبه‌پیشه‌ی ڕاسته‌قینه‌ی ڕۆژنامه‌گه‌ری وله‌سایه‌ی پاڵپشتی خوێنه‌ری ڕاسته‌قینه‌ی ئه‌ڵمان به‌کڕین وخویندنه‌وه‌ی ڕۆژنامه‌کانی توانی ده‌ست به‌سه‌رپتر له‌سه‌دا25 % ڕاگه‌یاندنی کاریگه‌رله‌ڕای گشتی ئه‌ڵمانیای پاش نازیه‌ت بگرێت ..سپرینگیرله‌ڕێگه‌ی گه‌وره‌ڕۆژنامه‌ی bild که‌ئه‌و کات پتر له‌پێنج ملێۆن دانه‌ی لێ چاپ ده‌کراکاری کردبۆنه‌هێشتنی دیارده‌ی گه‌نده‌ڵی به‌رپرسه‌کانی پاش،هه‌ره‌س پێهێنانی نازیه‌ت له‌وباره‌یه‌شه‌وه گه‌ران وپشکنین به‌دوای خراپه کاری وکه‌مته‌رخه‌می وه‌زیروبه‌رپرسه‌کانیش له‌مه‌هامی سه‌ره‌کی ڕۆژنامه‌ی ناوبراودوو ڕۆژنامه‌ی تریش بووکه‌ئه‌وانێش ڕۆژنامه‌ی (weltـ dieبوون سپرینگیرله‌ڕێگه‌ی هه‌واڵوڕاپۆرتووتاری ڕۆژنامه‌کانه‌وه کاری بۆهاتنه‌دی چواربنه‌مای سه‌ره‌کی ده‌کرد که ئه‌وانیش:
یه‌که‌م : یه‌کگرتنه‌وه‌ی ئه‌ڵه‌مانیا.
دووه‌م : ئاشتبوونه‌وه‌ی گه‌لی جوله‌که‌له‌گه‌ڵ ئه‌ڵمان.
سێهه‌م: به‌رپه‌رچدانه‌وه‌ی چه‌مکی تۆڵه‌سه‌ندن له‌ده‌سه‌ڵاتدا.
چواره‌م :هاندانی وه‌به‌رهێنانوئابورییه‌کی سوسیالیستی
دواتریش ئه‌م چواربنه‌مایه‌کۆڵه‌که‌ی پشتی کارکردنی ڕۆژنامه‌گه‌ری ئه‌وسه‌رده‌مه‌ی پاش ڕوخانی نازیه‌ت بوون….هه‌رئه‌مانه‌ش بوون به‌ڕای من ئه‌ڵمانیای گه‌‌یانده‌ئه‌م ڕۆژگاره‌‌مانوتوانی له‌وشکستوقه‌یرانه‌گه‌وره‌یه‌ی که‌به‌سه‌رخۆیداهێنابووی له‌ماوه‌یه‌کی کورتوبه‌که‌مترین زه‌ره‌ڕوزیان ڕزگاری بێت…هه‌مان ئه‌م چواربنه‌مایه ئه‌مڕۆکه‌له‌ستراتیتژی ئه‌مریکیوهاوپه‌یمانه‌کانی ئێراق به‌چاره‌سه‌ربۆده‌رچوونی ئێراق له‌وقه‌یرانه‌ی که‌تێی که‌وتوه داده‌نرێت دۆستوهاوپه‌یمانه‌کان پێیان وایه‌وده‌بێت ده‌سه‌ڵاتی چواره‌م هاوکاربێت بۆهاتنه‌دییان.نه‌ک تێکده‌ر.ئه‌وچواربنه‌مایه‌ی که‌ئێراق له‌قه‌یرانه‌کانی ده‌رده‌کات وده‌بێت ڕۆژنامه‌کاربۆهاتنه‌دیان بکات ئه‌مانه‌ن.
- یه‌کگرتنه‌وه‌ی گه‌لانی په‌رته‌وازه‌ی ئێراق.
- ئاشتبونه‌وه‌ی سونه‌وشیعه ،کوردوعه‌ره‌ب.
- به‌رپه‌رچدانه‌وه‌ی چه‌مکی تۆڵه‌سه‌ندن له‌ده‌سه‌ڵاتدا.
- هێنانه‌کایه‌ی ژێرخانێکی ئابوری به‌هێزکه‌بتوانێت له‌ئاست ته‌حه‌دییه‌کانی قۆناغی پاش جه‌نگگه‌کان جه‌نگ بکات
…..هه‌موومان به‌ئاگاین هاوکات له‌گه‌ڵ ساته‌وه‌ختی یه‌که‌م پێخستنی ئه‌مریاکاوهاوپه‌یمانه‌کان له‌سه‌رخاکی ئێراق له‌گه‌ڵ دابه‌زینی یه‌که‌م سه‌ربازی ئه‌مریکی له‌سه‌رئه‌م خاکه،هاوشانی یه‌که‌م موشه‌ک بارانی هاوپه‌یمانه‌کان بۆسه‌رمۆلگه‌کانی چه‌واشه‌کاری ،به‌نهێنی کاریان بۆهێنانه‌دی ئه‌م ئامانجانه‌ده‌کرد..له‌م باره‌‌یه‌شه‌وه‌هه‌وڵیانداوه‌له‌ڕێگه‌ی پاڵپشتی لۆجیستی ڕێکخراوهngo کانو ڕۆژنامه‌گه‌ری ومیدیای نوسراو بینراو بیستراووبه‌مدوایانه‌ش ئیلکترۆنی زۆرێکی ئه‌م به‌رنامه وپلان و‌سترایژه‌ئه‌مریکی یه به‌ناو خه‌ڵکداپه‌خش بکه‌ن له‌ڕێگه‌ی کۆمه‌ڵێک که‌ناڵوکه‌سایه‌تی پێشترکارکردو له‌مه‌یدانوبواری جیاوازیشداکاربۆهاتنه‌کاییه‌ی ئه‌م (ئامانجه نه‌گۆڕانه)بکه‌ن ،به‌ڵام گرنگترینو ناودارترینیان ئه‌کرێت به‌خامڵترین و ته‌مه‌ڵترینیان بناسین.هاوسات ئه‌وڕایه‌شمان پێ قبوڵ بێت که‌ئه‌م ئامانجه نه‌ک ته‌نهابۆئه‌مریکییه‌کان بگره‌بۆهیچ کامی گه‌لانی ئێڕاق نه‌هاتۆته‌دی ….ڕاستی ئه‌وه‌ی که‌ئه‌م ئامانجه گشتییه تائێستا نه‌هاتۆته‌دی،له‌وه‌داخۆی ده‌بینێت (نه‌بوونی هه‌واڵێک‌له‌مه‌ڕده‌ست له‌کارکێشانه‌وه‌ی حکومه‌تونه‌بوونی لێپرسینه‌وه‌یه‌کی جدی جه‌ماوه‌ره له‌ده‌سه‌ڵات)،..من تێناگه‌م چۆن سه‌نگ وقورسای لێپرسینه‌وه‌وناڕه‌زاییه‌کانمان له‌حوکمه‌ت ته‌نهابه‌ڕژانه‌سه‌رشه‌قامه‌کان ومانگرتن کۆتای پێدێنین له‌وه‌ش زیاترهیچی ترمان به‌ده‌سته‌وه‌نه‌بێت،بیکه‌ینه‌چه‌کوهێمای به‌رنگار بوونه‌وه…پرسیاره‌که‌لێره‌دایه داخۆ له هه‌بوونی ئه‌م هه‌مووپاڵپشتی یه‌مادیی ومه‌عنه‌ویه‌ی ئه‌مریاکابۆمه‌ده‌نیکردنی کۆمه‌ڵگای ئێراقی به‌گشتیوکوردی به‌تایبه‌ت بۆ هه‌تا ئه‌مرۆمان هه‌ست به‌گۆڕان ناکه‌ینوپێمان وایه بارودۆخه‌که‌ڕووه‌وخراپ ملده‌نێت نه‌ک بۆباشوچاکبونه‌وه؟..به‌تایبه‌ت له‌سه‌ر ئاستی ناوچه‌هێمنه‌که‌که(کوردستان)ه.لێره‌داده‌بیت ڕاشکاوانه‌له‌خۆمان بپرسین ئایا..هۆکه‌ی به‌ته‌نهاکه‌مته‌رخه‌می وخه‌مساردی (تاکی کوردی)یه‌له‌ئاست خراپه‌کاریوبه‌دکاریودیارده‌ی گه‌نده‌ڵی به‌رپرسان ته‌نها فاکته‌ره له‌نه‌هاتنه‌کاییه‌ی ئه‌م ئامانجه..؟یاخودله‌پشتی ئه‌م هه‌وڵانه ئاسته‌نگ وبه‌ربه‌ستی گه‌وره‌ترهه‌یه‌که‌ئه‌مریکییه‌کان نه‌یانتوانیوه بازبه‌سه‌ربازگه‌کانیدابده‌ن..!به‌ڕای من گه‌وره‌ترین ئاسته‌نگوبه‌ربه‌ست که‌له‌به‌رده‌م ئه‌م پرۆسه‌یه‌دایه‌ئه‌وه‌یه..جۆری ئه‌قڵه‌کان ،تێفکرینه‌کان،کلتورومێشک ژیره‌کان،جۆرێکی خه‌وتوون.ئه‌م هه‌وڵانه‌ی ئه‌مریاکاکه‌هه‌تائێستابه‌شکست که‌وتۆته‌وه‌نه‌ک به‌سه‌ر که‌وتن به‌شێکی زۆری له‌ئۆباڵی تێفکرینو ڕاڤه‌کردنه‌له‌هۆشمه‌ندی تاکی کوردی..که به‌داخه‌و ئه‌سه‌فه‌وه ئێمه‌ی مه‌عشه‌ری ڕۆژنامه نووسان به‌شێکێن له‌وپرۆسه‌گشتییه‌ی که‌ناوی له‌خۆناوه(هۆشمه‌ند وبلیمه‌ته‌کانی کورد،یاخودڕۆشنفیکرانی گه‌له‌کمان) هه‌میشه‌ش، که‌دێته سه‌ر باسکردنێکی جدی خۆمانی لێ به‌دورئه‌زانین .سه‌ره داوی ئه‌م لێکنه‌چونه‌ی نێوان دوێنی که‌وتنی به‌رلینو ده‌رکه‌وتنی سپرینگیروئه‌مڕۆی که‌وتنی به‌غداونه‌بوونی سوپه‌رستاروده‌زگایه‌کی ترله‌بواری په‌خشو وه‌شاندندا …هه‌وڵه‌کانی ئه‌مریاکا بۆ دۆزینه‌وه‌ی که‌سی شیاو بۆشوێنی شیاوئه‌کرێت له‌دۆزینه‌وه‌ی جۆری ئه‌وکه‌سانه‌وه‌بێت که‌ئه‌مریکییه‌کان پشتایان پێده‌به‌ستێت بۆهاتنه دی ئه‌م ئامانجه،که‌ئه‌مه‌ش ڕه‌گه‌زێکی تری شکستی هه‌وڵی به‌مه‌ده‌نیکردنه‌که‌یه پاشانیش دۆزینه‌وه‌ی سپرینگێریه‌کی تریاخودڕونترهه‌وڵدان بۆبه‌رهه‌مهێنانی که‌سایه‌تیوقوتبێکی تری ڕاگه‌یاندن هاوشێوه‌ی سپرینگیر له‌کوردستاندا کارێکی فره‌پڕئه‌زێتوقورسه‌ڕه‌نگه بۆبه‌ریتانییه‌کانی ئه‌وکاتوئێستاش کارێکی ئاسان بووبێت که‌به‌سه‌دانی وه‌ک ئه‌وزاته له‌ئه‌ڵمانیای پاش رایخی سێهه‌م وهیتله‌ربه‌چنگ بکه‌وێت به‌ڵام بۆئه‌مریکییه‌کان وله‌سه‌رخاکی کوردستانوئێراقی پاش سه‌ددام حوسێن زه‌حمه‌ته دووان یان سیانیان ده‌ستبکه‌وێت. ده‌شێت هۆکه‌ی هی ئه‌وه‌بێت کاری ڕۆژنامه‌گه‌ری هێشتا له‌کوردستاندا له‌به‌ر ناچاری خه‌ڵک ڕووی تێده‌کات نه‌ک وه‌ک پیشه ..بۆیه راسته گه‌ر بڵێن هه‌تا ڕۆژنامه‌گه‌ری نه‌بێته پیشه ناکرێت چاوه‌ڕێی گۆرانووه‌رچه‌رخانی گه‌وره‌ی لێبکه‌یت ئه‌مه‌جگه‌له‌وه‌ی که ئێمه‌میله‌تێکین،خه‌و‌تنی ئه‌قڵمان وای کردوه نه‌خوێنده واربین….سه‌رباری ئه‌م هه‌موو نوسینو هۆنینه‌‌وه‌هاوکات دروست نه‌بوونی ڕای گشتی له‌ناوکۆمه‌ڵگای کورده‌واری به‌شێکی به‌نده به‌ده‌رچونی تیراژی ڕۆژنامه‌کان.پێم وایه‌له‌وه‌به‌ئاگان که‌کۆی گشتی ڕۆژنامه‌کانی کوردستان هێشتا ناکاته5 % له‌سه‌دی ژماره‌ی دانیشتوانه‌که‌ی که‌ده‌بێت لانی که‌م له‌نیوه‌ی ژماره‌ی دانیشتوان که‌مترنه‌بێت تابتوانێت بۆشاییه‌کان پڕبکاته‌وه ..له‌م باره‌یه‌وه غاندی ده‌ڵیت (ئه‌وه‌ی ڕۆژانه‌لانی که‌م ڕۆژانمه‌یه‌ک نه‌خوێنێته‌وه‌که‌سێکی هۆشمه‌ندوڕوناکبیرنییه)کوردستان هه‌تا ئه‌مڕۆمان خاوه‌ن ڕۆژنامه‌یه‌ک نییه‌که‌به‌هۆی هه‌واڵو بابه‌ته‌کانی هێنده‌زۆرفرۆشبێت تیراژه‌که‌ی بگاته‌نیوه‌ی ژماری دانیشتوانه‌که‌ی جا ئه‌م دابڕانه‌ی خوێنه‌رله‌ڕۆژنامه‌من به‌‌کاره‌سات ده‌شوبهێنم،من نازانم ئێمه‌چۆن له‌ڕووماندێت بڵین ئێمه کۆمه‌ڵگایه‌کین ڕۆژنامه ده‌خوێنینه‌وه..خۆئه‌گه‌رزاتی ئه‌م ده‌ربڕینه‌مان هه‌بوووه‌من لێره‌به‌درۆخرامه‌وه ئه‌ی چۆن کاربه‌ووشه‌ی ڕۆژانامه‌کان ناکه‌ین له‌باسی ووشه‌خوێندن ده‌بیت بگه‌ڕێمه‌وه‌لای گوته‌ی(بێنکت ـ ئیریک هه‌یدن)که‌ده‌ڵێت{به‌ووشه‌مرۆڤ فێری تێگه‌یشتن ده‌بێت.. به‌ووشه مرۆڤ فێرده‌بێت رووناکبکاته‌وه .. ووشه‌کان یارمه‌تیمان ده‌ده‌ن پێکه‌وه‌ژیان بکه‌ین}ئه‌م گوته‌یه هه‌تائه‌مرۆشمان به‌شێوه‌یه‌کی سه‌قه‌ت له فه‌رهه‌نگی ڕۆژنامه‌گه‌ری کوردیدا کاری پێکراوه،ئه‌مه‌ئه‌گه‌رمه‌به‌ست له‌ده‌رکردنی ڕۆژنامه‌بیرهۆشیاری بێت نه‌ک شتی تر…له‌ڕاستیدا ووشه‌ی ڕۆژنامه کانمان فێری تێگه‌یشتنیان نه‌کردووین،تابتوانێت به‌و تێگه‌یشتنه‌ڕێگاکان ڕوناکبکاته‌وه. جاقه‌یرانی ڕۆژنامه‌گری کوردی له‌وخاڵه‌وه سه‌رده‌رده‌هێنێت تاده‌گاته‌وه‌لای ئه‌ومانشێته‌هه‌واڵه‌ی که‌ده‌بوایه ده‌مێکه بهاتایه‌ته‌دی .له‌وزه‌مه‌نه‌ی که‌تیایدا حوکمه‌ته‌جیابوه‌که به‌بێ هیچ پرسێکی کورد،بێ هێج ڕاپرسیه‌ک بۆشێوازی یه‌کگرتنه‌که زه‌واج پێکردووه‌زاره‌ته‌کانیاشیان له‌سه‌ریه‌کدی ماره‌کردباله‌وه‌زیاتر له‌باسه‌که‌مان لانه‌دینوبگه‌ڕێنه‌وه بۆلای ئه‌و هه‌واڵه‌ی که‌ساڵگه‌لێکی زۆره‌من خه‌ون بۆبه‌رجه‌سته‌بوونی ده‌بینم… به‌ناچاریش ئه‌مڕۆله‌حزوری ئێوه‌داپۆزشم بۆهێنایه‌وه ..هیوابه‌و ڕۆژه‌وه ده‌بینم دیموکراتیه‌تو،هه‌نگاونان به‌ره‌ودیموکراتییه‌ت هه‌ردروشم نه‌بێت. له‌هه‌قه‌تیشدائێمه‌وه‌ک ئه‌وه‌ی که‌وڵاتێکی دیموکراتینوبه‌نمونه‌ی دیموکراته‌کانی ڕۆژهه‌ڵاتی ناوه‌ڕاست ناوده‌برێن ده‌بێت چاوه‌ڕێ ئه‌م هه‌ڵوێسته مه‌ردانه وچاپو‌که له‌حکومه‌ته‌که‌شمان بکه‌ین ..،دیارده‌ی ده‌ست له‌کارکێشانه‌وه‌ی حوکمه‌ت وسه‌رۆکی حوکمه‌ت یاخودهه‌ربه‌رپرسێکی میری له‌وڵاتانی خۆرئاوابۆته‌نه‌ریتێکی باوتێکه‌ڵ به‌فه‌رهه‌نگی دیموکراتیه‌تی خۆرئاوابووه‌وناکرێت به‌ده‌رله‌م هه‌ڵوێستانه حکومه‌ته‌کان یاخودده‌سه‌ڵاته‌کانی خۆرئاوابه‌دیموکراتی ناوازه بکه‌ین،له‌م باره‌یه‌شه‌وه‌ئه‌توانم بڵێم جارهه‌بوه ده‌ست له‌کار کێشانه‌که له‌به‌رهۆی زۆربێبایه‌خوساویلکه‌ده‌بێت،وڕه‌نگه شایه‌نی باسکردنیش نه‌بێت که‌چی لای ئێمه‌سه‌یره نه‌حوکمه‌ت، که له‌ترۆپکی ده‌سه‌ڵاتدایه وبه‌هه‌زار هۆو فاکته‌ر هه‌ن که‌ده‌بێت له‌پێناویانداده‌ستله‌کاربکشێته‌وه‌ڕیگه‌بۆهاتنی هیتربدات هێشتاکونێ هیچ به‌رپرسێکی گه‌وره‌ی ناوحکومه‌ت،تاڕۆژی ئه‌مڕۆمان ئه‌م هه‌ڵوێسته‌ی بۆتاقه‌جارێکیش بێت نه‌نوادوه، من تێناگام ئێمه‌که‌باس له‌ئازادی وکۆمه‌ڵگای مه‌ده‌نی ده‌که‌ین،مه‌به‌ستمان له‌کام مه‌ده‌نیه‌ته که‌خۆمان وده‌سه‌ڵاته‌که‌شمان لێ به‌دوربخه‌ین، خۆئه‌گه‌ر حوکمه‌تی هه‌رێم له‌قۆناغیکداده‌سکه‌وتیکی نیشتیمانی گه‌وره‌بوببێت،ئه‌وائه‌مڕۆئه‌وده‌سکه‌وته‌نیشتیمانییه خه‌ریکه‌له‌ڕێچکه‌ی ڕاسته‌قینه‌ی خۆی لاده‌داتو‌ده‌بێته‌ته‌وقێکی نیشتیمانی گه‌وره‌وبه‌ملی میله‌تی کوردپێچده‌دات،…قسه‌زۆره له‌سه‌رئه‌وئالیه‌تانه‌ی که له کوردستانی ئازاددا خراونه‌ته‌گه‌ڕبۆفۆرمه‌له‌پێکردنی پرۆسه‌به‌ناودیموکراسیه‌که،ناڤدارترینی،کۆنی دوێنێوئیستای حازرئه‌وه‌یه که‌شاندێکی ئه‌وروپی، یان نێوده‌وڵه‌تی دێته‌کوردستان له‌هه‌واڵه‌کاندا ،باس له‌وه‌ده‌کرێت که‌وه‌فدی میوان ده‌ستخۆشی له هه‌وڵ وکۆششه‌کانی حکومه‌تی هه‌رێم کرد بۆئه‌وخزمه‌تگوزاریانه‌ی که‌پێشکه‌ش به‌خه‌ڵکی کوردستانی ،به‌تایبه‌ت له‌بواری ئاوه‌دانکردنه‌وه وبه‌ئاسمان چه‌قاندنی باڵه‌خانه‌وته‌لاره‌به‌رزه‌کانداکردوه‌وئه‌زموونی فه‌رمانره‌وای کوردستانیشی له‌سه‌رئاستی ناوچه‌که به‌نمونه‌ی وه‌سفکرد،هه‌ڵبه‌ت من دوودڵم له‌ڕاستی ئه‌وهه‌واڵانه،خۆئه‌گه‌رڕاست بن پێده‌چێت زیاتر له‌به‌رموجامه‌لاتی سیاسی،یاخود به‌ڕوودامان دائه‌م مه‌دحو سه‌ناو به‌شان هاتنه‌خواره‌وه‌هاتبێته‌ئاراوه،.پاشان ئه‌م به‌شانوباڵ هاتنه‌بۆخۆی سه‌ره‌تای گه‌ڕانه‌وه‌یه‌بۆسه‌رده‌می به‌رهه‌مهێنانی (درۆوچه‌واشه‌کاریوبه‌دناوی دیکتاتۆریه‌ت)،خوێنه‌ری به‌ڕیز له‌دوا لێبوردنم بۆ نادروستی ئه‌وهه‌واڵه‌ئه‌مه‌وێت پێتی ڕابگه‌ێنم که‌هیچ ئاژانسێکی هه‌واڵی ئازادودیموکراتوخاوه‌ن پیشه.له‌دونیادانابینیت هه‌وڵ ،یاخود کار بۆ به‌رهه‌مهێنانی هه‌واڵێک بدات…که‌مه‌دح وسه‌نای ده‌سه‌ڵاتی لێبکه‌وێته‌وه،به‌ڵکو هه‌میشه، له‌بۆسه‌دایه‌بۆی تا له‌ڕێچکه‌ی کاری خۆی لانه‌داتونه‌بێته ئامرازێک بۆبه‌رهه‌م هێنانی چه‌واشه‌کاری…لێره‌وه‌له‌م گۆشه‌نیگایه‌وه خوازیارم ڕۆژنامه‌گه‌ری کوردی هه‌وڵێکی جدی بدات بۆهێنانه‌کایه‌ی هه‌واڵی ئیستیقاله‌ی حوکمه‌ت وکاریگه‌ریه‌که‌شی ته‌نها به‌ده‌ر خستنی ڕوکه‌شی قه‌یرانه‌کان نه‌بێتوبه‌س باڵکاده‌بێت هه‌وڵبدات .من له‌م پۆزش هێنانه‌ڕزگاربکات…ونه‌هێڵێت جارێکی تر ڕوو ڕه‌شی به‌رده‌م ئێوه‌ببمه‌وه…..
دواسه‌رنج !
* له‌کاتی نوسینی ئه‌م بابه‌ته‌له‌گه‌ڵ که‌سێکی خۆشه‌ویست له‌باسی ئه‌وزاع ئه‌وبه‌ڕێزه‌له‌گله‌ی ئه‌وه‌دابووکه خه‌ڵکی کوردستان،له‌به‌ربێ کاره‌باو سوته‌مه‌نی و..هتد یان نه‌بوونی ئه‌م خزمه‌ته‌سادانه‌خه‌ڵکی بێزاره…پێم گوت باشه‌من سبه‌ی له‌سه‌رئیستیقاله‌ی حوکمه‌ت شتێک ده‌نوسم ،به‌په‌له ئه‌وبه‌ڕێزه له‌گله‌ییه‌کانی پاشگه‌زبووه وه گوتی نامن مه‌خسه‌دم نه‌بووتۆبهه‌ژێنم باشتروایه‌له‌سه‌ردووسێ شت هه‌یه بێدنگ بیتوهیچیان له‌باره‌وه نه‌نوسیت..گوتم ئه‌م دووسێ شته چین که‌تۆناته‌وێت من له‌سه‌ریان بنوسم؟..به‌هێمنیه‌که‌وه ،که‌مێک وه‌ستاو له‌سه‌رخۆ‌گوتی:،ئاین وده‌سه‌ڵات به‌که‌ڵک نایه‌ت.ئه‌م ڕۆژانه شتیان له‌سه‌ربنوسیت منیش پێم گوت:ئه‌ی چ ئه‌هێنێت به‌ده‌رله‌مدووانه‌له‌سه‌ری بنووس، ،که‌مێک توره بووم ئه‌مجاره‌به‌ده‌نگێکی به‌رزتر پرسیاره‌که‌م دووباره‌کرده‌وه؟..له‌سه‌رچی بنوسم؟ له‌وێداقسه‌کانی پی بڕیموگوتی له‌سه‌ر مێژووبابه‌تی مێژووی بنوسه ..،گوتم جائه‌م کێشه‌یه‌ی که‌من ده‌یخه‌مه‌ڕوومێژووی نه‌هامه‌تیوده‌رده‌سه‌ریوسیابه‌ختی میله‌تێکه ،ئاینوده‌سه‌ڵاتیش هێماو ڕه‌گه‌زێکی سه‌ره‌کی دروستکردنی مێژوون..له‌وێدا له‌وخاڵه‌داگفتوگۆکانمان ڕاگرت به‌ڵام واهه‌ست ئه‌که‌م ئه‌وله‌ترسی شتێکی تربێت به‌منی گوت ڕووبکره مێژوو نوسین ووازله‌نوسین له‌سه‌رده‌سه‌ڵات وئاین بهێنه..ڕه‌نگه‌ئه‌وبه‌ڕێزه‌بیه‌وێت به‌منی بڵێت ئه‌گه‌رله‌سه‌ردیوه‌خراپه‌که‌ی ئاین بنوسیت به‌کافروله‌سه‌ردیوه‌باشه‌که‌ی بنوسیت به‌تیرۆریزم،گه‌ربێتوله‌سه‌رده‌سه‌ڵات،به‌دیوه‌خراپه‌که‌ی بنوسیت به‌تێکده‌روتابوری پێنج ناوت ده‌رده‌چێت ….من به‌قسه‌م نه‌کردبه‌ڵکوڕه‌قترله‌پێشینه‌کانم قۆڵم لێهه‌ڵماڵیوبابه‌ته‌که‌م نووسی ڕاستیشتان پێ بڵێم هه‌ڵوێستی ده‌سه‌ڵات له‌مه‌ڕئه‌م جۆره نوسیانانه‌و چۆنیه‌تی مامه‌ڵه‌کردن له‌گه‌ڵیدادوودڵیه‌که‌م ساغ ده‌کاته‌وه.به‌ڵام لێره‌داهه‌تاساغبوونی ئه‌وکێشه‌یه‌وبه‌لایه‌ک که‌وتنی دامن وئه‌و که‌سه خۆشه‌ویسته له‌خاڵی نوسین له‌سه‌رده‌سه‌ڵات بڕیارمانداتائه‌به‌دله‌یه‌ک جیابینه‌وه…ئه‌زانم ئیستا هه‌مووتان له‌پرسی ئه‌وه‌دان ئه‌وبه‌ڕێزه‌چ جۆره بونه‌وه‌رێکه…بۆئه‌وه‌ی له‌وه‌زیاتربابه‌ته‌که‌ت لی ئاڵۆزنه‌که‌م ،پێت ده‌ڵیم ئه‌وکه‌سه کێیه..؟! ئه‌وکه‌سه ئه‌وبونه‌وه‌ره …(حیزبه).
په‌رواێزوسه‌رچاوه:
* ئه‌کسل سپرینگیر له‌دایکبووی ساڵی 1912 کۆچکردوی ساڵی 1985 .وه‌کوهێمایه‌ک بۆدژایه‌تی کرنی دیواری به‌رلین ته‌لارێکی به‌رزی له‌ڕۆخی دیواری به‌رلین دروستکرد،تاله‌ڕێگه‌یه‌وه‌خه‌ونی یه‌گترن بکاته‌ڕاستی ،سپرینگه‌رهه‌مووژیانی له‌به‌رلینی خۆرئاوابه‌سه‌ربرد.له‌لاپه‌ره‌کانی میژوداخۆی وه‌ک چه‌قێکی گه‌وره‌ی ده‌زگای راگه‌یاندنی ئه‌ڵمانییا نوێ تۆمارکرد.
*.مه‌بست له‌حیزبنامه.ڕۆژنامه‌حیزبییه‌کانن که‌هه‌تائێستاش ڕۆڵێکی نێگه‌تیڤ له‌میدیای کوردیداده‌گێرن
* بڕوانه‌مانشێتی هه‌واڵه‌کان ڕێکه‌وتن نامه‌ی مێژووی هه‌ردوومه‌کته‌بی سیاسی(پدک)و(ینک) بۆیه‌کگرتنه‌وه‌ی هه‌ردووئیداره‌ی حوکمه‌ت له7ی جانیوه‌ری 2006.به‌م پێیه‌ش ده‌رده‌که‌وێت یه‌کگرتنه‌وه‌ی دووئیداره‌که‌به‌بڕیاری مه‌کته‌بی سیاسی بوه‌نه‌ک ویستی خه‌ڵک .
* 26 ی مارسی 2006 مه‌سعودبارزانی هه‌ریه‌ک له‌عومه‌رفه‌تاح ونێچیرڤان بارزانی ڕاسپاردکه‌له‌ماوه‌ی یه‌ک مانگداحکومه‌ت ته‌شکیل بکه‌ن.
* 7 ی ئایاری 2006 په‌رله‌مانی کوردستان متمانه‌ی به‌خشییه‌کابینه‌ی پێنجه‌می حکومه‌تی هه‌رێمی کوردستان …
* ئه‌وبونه‌وه‌ره‌حیزبه ..کاتێک که‌حیزب خۆی له‌چه‌ندکه‌سێکداده‌بینێته‌وه‌ناچارتۆش به‌ناوی که‌س مامه‌ڵه‌ی له‌گه‌ڵ بکه‌یت…له‌به‌رئه‌وه‌ی حیزابه‌تی ئه‌مرۆمان خۆی له‌شکۆدارکردنی چه‌ندکه‌سێکدائه‌بینێت نه‌ک شکۆدارکردنی بیری حیزبه‌که
15 ی جانیوه‌ری 2007
شوێنی بڵاوکراو :
ماڵپه‌ڕی کوردستان نیوز له 19ی جانیوه‌ری 2007
ماڵپه‌ڕه‌ی ده‌نگه‌کان ژماره 260 له 22 ی جانیوه‌ری 2007
ماڵپه‌ڕی کوردستان پۆست له23ی جانیوه‌ری 2007
رۆژنامه‌ی هه‌واڵ ژماره 215 له27 ی جانیوه‌ری 2007 لاپه‌ڕه 6 .
تێبینی : له‌سه‌رئه‌م بابه‌ته دیوانی سه‌رۆکایه‌تی ئه‌نجومه‌نی وه‌زیران بێ خوێندنه‌وه‌ی بابه‌ته‌که مانشێتی بابه‌ته‌که‌ی به‌درۆخستۆته‌وه ، ماڵپه‌ڕه‌که‌ش وه‌ڵامی داوه‌ته‌وه.
شوێن وکاتی نوسینی بابه‌ت : سوید 2007.01.15